放屁呢件事本身都已經有啲尷尬，如果喺一場好靜嘅比賽當中放屁，究竟可以點樣化解尷尬呢? 今次真係要學下「火箭」奧蘇利雲啦。

事關日前嘅北愛爾蘭公開賽第三輪，與老對手史提芬斯交手期間，到「火箭」出Que回合突然聽到一下放屁聲，然後鏡頭見到「火箭」偷笑並向後望一望裁判，搞到所有人都以為放屁嘅就係裁判。接下來「火箭」嘅出手亦出現失誤，而「火箭」亦表示係裁判令佢失誤的。

最終「火箭」逆轉擊敗對手晉級四強，有趣嘅係賽後「火箭」卻突然承認原來當時放屁嘅係佢，並唔係裁判。而「火箭」更大膽表示對於喺鏡頭前放屁感到自豪。

而被冤枉嘅裁判實後亦指放屁嘅唔係佢，其他嘅事佢就唔評論啦。

BREAKING!

Ronnie O'Sullivan blames snooker referee as legend denies match interrupting fart https://t.co/5wUTQgGlRe pic.twitter.com/vMzeYLMDSx

— Daily Record Sport (@Record_Sport) November 19, 2020

能夠係紳士運動做一啲咁唔紳士嘅事(無論係放屁定係屈人)，相信就只有「火箭」夠膽，而大家下次不幸大庭廣眾下放左屁嘅話，記住第一時間望向另一個人啦。