{ SKIP }
文:MenClub 波特先生  圖:互聯網
POSTED ON 24 Jan 2021

「籃球之神」Michael Jordan基本上被公認為NBA歷史最出色嘅球員,就算你唔同意呢個講法,你都一定會同意Jordan係NBA歷史最出色嘅得分手,客觀數據上起碼佢曾經10奪年度得分王,係NBA歷史第一多。

要知道Jordan在公牛13個球季,加埋巫師嘅兩個球季入面,佢場均得分最低嘅一季都有20分,講緊嘅已經係佢喺NBA生涯嘅最後一年,所以如果有人同你講,Jordan場均只有16分,我諗應該無人會相信。

不過世界上真係咩人都有,作為歐洲著名籃球教練嘅Bozidar Maljkovic,就揚言如果Jordan到歐洲打波,佢將只會係一名普通球員,場均16分左右。

呢位曾經帶領歐洲球隊4奪歐聯冠軍嘅教練,此番言論令唔少人嘩然,當然極多人不認同,要知道Jordan當年喺NBA面對緊嘅防守絕對係地獄級別的,但佢仍然可以場均30分左右,試問有幾多人可以做得到?

不過其實從另一邊睇,歐洲籃球一直更重視團隊,個人籃球並不適用,所有嘅話事權一定喺教練身上,所以肯定唔會出現超級球星效應,即使個人能力出眾都需要考慮整個團隊,如果Jordan在歐洲打波,相信佢嘅場均得分一定不及NBA高,但只有16分? 相信應該不可能吧。

最近C朗(Cristiano Ronaldo)接受西班牙傳媒訪問時,自信爆棚地表示自己係史上最佳足球員,引起網民熱烈討論。不過,另一位朗拿度「大哨」就唔多同意,表示C朗雖然係歷史上前十球員之一,但同第一名仲有好大距離, ...
sports
【足球】C朗自稱歷史上最佳足球員 大哨:不同意,但他確實是足球史上Top10
27 Feb 2025
對於唔少外國觀眾黎講,成龍就係代表中國嘅國際場動作巨星;但對於香港人黎講,除咗演藝事業之外,成龍嘅「代言魔咒」亦相當有名。而近日外國媒體亦開始報導呢個「成龍魔咒」,原因係佢日前現身澳網男女單決賽,而無 ...
sports
【澳網】「東方神秘力量」入侵澳網 男女單決賽輸家都同成龍握過手
28 Jan 2025