{ SKIP }
文:MenClub 波特先生  圖:互聯網
POSTED ON 20 Feb 2021

西甲班霸皇馬,過去一直比人嘅感覺都係背後擁有無限金錢,就好似當年引入6條A、卡卡、C朗拿度、巴利等,全部都係一擲千金,因此外號被稱為「銀河艦隊」,就係憑住金錢去組建最強陣容。不過,因為疫情關係每支球隊都需要限制支出,其中皇馬亦不例外,唔係話佢哋唔用錢,但係竟然唔係以錢行先。

相信皇馬有意收購麥巴比已經唔係咩新聞,但係同樣背後財雄勢大嘅巴黎聖日耳門咁啱最唔缺嘅就係錢,所以要搶走對方呢位頭牌球員並唔容易。因此,皇馬除左繼續拋出巨額轉會費轉外,竟然行起「歪路」搶人。

皇馬為咗吸引麥巴比加盟,願意向對方承諾只要加盟就會係球隊嘅絕對頭牌球員,一切將會以佢為中心,即係就算夏薩特、賓施馬、卻奧斯、摩迪等球星都要被比下去。

除左核心嘅角色之外,皇馬亦以施丹呢位法國球王作為生招牌,因為施丹對於唔少年輕球星嚟講都係偶像,其中無論係麥巴比、夏蘭特都係,所以有機會喺偶像施丹手下作賽/合作亦係佢地嘅夢想,呢一點亦係佢地加盟嘅助力。

其實有陣時球星都係人,錢係重要但佢地都已經身家豐厚,所以照顧到佢地個心可能先係最重要嘅一環。

Credit: Getty Images
今次係祖高域嘅第18個大滿貫冠軍啦!
sports
【愛分享】祖高域9奪澳網冠軍,同意減獎金幫早出局球員
24 Feb 2021
呢D咪就係真正嘅霸氣
sports
【霸氣】伊巴謙莫域要出席音樂節,意甲可能要為佢改期
11 Feb 2021