擁有「日本設計之神」美譽嘅建築師石上純也（Junya Ishigami），過去已經打造過唔少令人感到驚歎嘅建築，而近期佢又有新作品，就係位於日本神奈川工業大學入面嘅「KAIT」廣場。

今次呢個「KAIT」廣場設計，核心理念為「還建築該有嘅自由」，純白嘅外表，加上配合地形嘅設計，屋頂擁有59個正方形天窗，同時向地面微微墜落感，完全係自然嘅感覺，而內裡竟然係一支支柱都無。

更令人難以置信嘅係，由於屋頂係以厚度只有12mm嘅鐵皮建造，當氣溫改變嘅時候就會出現熱漲落縮效應，屋頂就會好似「呼吸」咁凹凹凸凸分別轉變，完全係難以想像的。

今次呢件神作，相比同樣位於神奈川工業大學入面嘅「KAIT」工房，你又覺得邊樣靚啲呢?