今季西甲進入最後直路，馬體會及皇馬將於聯賽最後一場爭奪最終冠軍，不過皇馬目前落後馬體會兩分，所以主動權落於後者身上。今季皇馬顯然鋒線上已經老化，好似佢地嘅當家射手賓施馬已經34歲，因此急需保充新鮮血液，其中麥巴比及夏蘭特將係皇馬嘅主要目標，二人當中一定要簽下一人。

對於皇馬黎講，麥巴比係目標已經唔係秘密，佢地極希望可以簽下呢位年輕法國射手，當然巴黎聖日耳門放唔放人係最大嘅問題，但預計皇馬一定會傾囊而出不惜工本簽下麥巴比。

不過如果最終搶麥巴比失敗，咁皇馬第一時間就會轉搶多蒙特射手夏蘭特，呢位20歲射手代表多蒙特上陣57場攻入55球，效率極為驚人。

如果皇馬真係喺以上兩位射手搶下是旦一位，相信都可以令佢地前線上獲得大幅提升，而賓施馬亦都唔需要肩負咁多重擔，效率可能因此而提升。