今年18歲嘅「櫻井音乃」出身於靜岡縣，喺初中嗰陣已經擔任少女時尚雜誌《Popteen》常規Model，升讀高中後更不斷挑戰各種選美比賽，曾經就以最年輕參賽者身份打入「Miss World Japan 2019京都錦標賽」決賽，更喺同年獲得「最可愛女高中生Model賞」。

為咗慶祝今年四月從高中畢業，「櫻井音乃」索性嚟個大解放，拍攝性感水着寫真大晒魔鬼身材，佢仲為咗影靚相而從上年9月起就開始節食減肥。雖然寫真相反應相當良好，不過「櫻井音乃」就表示其實佢最想係成為一位演員，登上大銀幕表現自己，依加正積極參與各個試鏡活動。

事實上，大把知名女星都係靠寫真走紅再轉行做演員，況且「櫻井音乃」依家先得18歲，第時一定大把機會！