停辦咗1年嘅金球獎頒獎禮今日稍早於法國巴黎舉行，現年34歲嘅阿根廷球星美斯（Lionel Messi）成功第7度獲獎，再度刷新個人獲得最多金球獎紀錄！

（圖片截自：Twitter@PSG_English）

（圖片截自：Twitter@ankurmessi_）

於今年頒獎禮，美斯成功以613分擊敗580分嘅波蘭神射手利雲度夫斯基（Robert Lewandowski）以及460分嘅意大利中場佐真奴（Jorginho）當選，唔單只刷新個人紀錄，亦進一步拋離獲得5次金球獎嘅C朗。美斯得獎後除咗多謝家人、朋友以及支持佢嘅人，同時表揚亞軍利雲度夫斯基，指呢位拜仁神射手上年應該獲獎，大家都認同佢係贏家，佢值得一座金球獎。（上年頒獎禮因疫情取消）

What a night for ???????????? ???????????????????? ????#BallonDor pic.twitter.com/eSmP0Y3FYE

— Paris Saint-Germain (@PSG_English) November 29, 2021

上個賽季美斯為西甲巴塞出場48次，踢入38球及助攻18次，而今年7月更帶領阿根廷國家隊相隔28年再奪美洲國家盃冠軍，而自己亦踢入4球及5次助攻，同尼馬一齊獲選為今屆MVP，另外加盟法甲巴黎聖日耳門後，出場11次亦踢入4球及3次助攻。

2021金球獎排名（圖片截自：Twitter@brfootball）