2021年香港運動員創下史無前例嘅歷史佳績，唔係單單成績亮眼，而係運動員嘅努力及堅持不懈，成功引爆香港運動熱，香港運動員世一！

而港協暨奧委會日前就公佈「國泰2021年度香港傑出運動員選舉」候選運動員名單，以表揚過去一年在體壇為香港取得驕人成就嘅運動員。而今次投票市民將可以於網上參加，為你支持嘅運動員投下神聖一票。

值得一提嘅係，今次投票並唔係只限有份參加東京奧運會嘅運動員，入圍嘅運動員亦包括參加殘奧會嘅選手。而是次投票合共有66名運動被提名，屆時將會有運審團、傳媒及你去選出各個獎項得主。

而今次投票將分設「香港傑出男運動員」及「香港傑出女運動員」各5名，而得票最高嘅將分別當選為「國泰星中之星香港傑出男/女運動員」大獎。另外，選舉亦設有「香港最佳運動隊伍」、「香港最佳運動組合」獎項，而你都將可以投選你嘅至愛。

國泰2021年度香港傑出運動員選舉

投票網址：https://sportstar2021.hkolympic.org/

投票日期：即日至2022年1月30日