C朗拿度作為世界最佳足球員之一，其受矚目程度絕對係歷史級別的，再睇下佢擁有IG全球最多嘅Followers，都足以證明佢係全世界最受歡迎嘅人物。而其感情生活當然就成為各大媒體爭相報導嘅熱門話題，在過去幾段感情後佢終於情歸Georgina Rodriguez。

做得世界最受矚目嘅巨星背後嘅女人，來頭一定唔少野，但事實卻係呢位Georgina只係一位Gucci門店嘅店員，但卻成功獲得C朗垂青，究竟係咩原因可以得到C朗個心呢?

呢個身份令Georgina近期獲得Netflix相中，為佢推出一部紀錄片《I am Georgina》，整部紀錄片將分為6集播出，內容將圍繞Georgina嘅日常生活，令讀者可以更深一層去了解呢位C朗嘅女人。

其實外界相信Georgina能夠俘虜C朗個心，好大原因係佢能夠將C朗之前生嘅孩子視為自己親生，真心咁對佢地好好，而佢又已經為C朗生左個女，而家亦再懷有一對雙胞胎，所以相信就係咁令C朗願意為佢停下腳步。