{ SKIP }
文:MenClub 波特先生  圖:互聯網
POSTED ON 23 Mar 2022

2022卡塔爾世界盃好快就到,有球隊已經獲得32強資格,但亦有球隊都為進入正賽作最後嘅努力,其中就包括2019年歐國聯冠軍葡萄牙。

葡萄牙隊雖然擁有C朗拿度呢位足球歷史上其中一位最佳球員,但如今嘅佢已經37歲,狀態及體能上已經難比當年顛峰時期。當然,C朗嘅自律讓佢仍然保持一定競爭力,但能否帶領葡萄牙隊殺入世界盃32強則令外界存疑。

曾經為葡萄牙國家隊上陣184場攻入115球嘅C朗,曾協助球隊贏得2016歐國盃及2019歐國聯嘅冠軍,佢絕對係當時當之無愧嘅第一功臣,不過如今嘅佢卻被外界開始認為正拖累球隊。

據統計指,近年葡萄牙隊沒有C朗拿度嘅表現竟然更加好,由2014年9月至今,只要C朗無上陣比賽,球隊竟然係從未落敗,其中包括2020歐國聯大勝克羅地亞嘅比賽,個場表現咁好嘅葡萄牙正正就係無C朗。有唔少報導都曾經表示過,作為C朗身邊嘅隊友壓力都好大,所以直接影響左佢地嘅表現,當C朗無上陣嘅時候放棄啲表現自然就更加自如。

所以,究竟葡萄牙會唔會想繼續起用呢位隊史最佳球員? 還是會為大局棄用C朗呢? 當然,前提下葡萄牙要連過兩關先有機會到卡塔爾參加世界盃。

尼馬預計即將離隊!
sports
【足球】尼馬將被巴黎趕走,唔知會碌去邊呢?
29 Jun 2022
雖然話奧運係全球矚目嘅大型運動賽事之一,但喺芸芸眾多奧運項目之中,總有啲係大家冇乜聽過、又冇咩興趣睇。好似「現代五項」咁,佢嗰「五項」究竟係邊五項都唔係人人數得出。不過去到2028年洛杉磯奧運,現代五項中 ...
sports
【運動】「力王爭霸戰」或成奧運項目 最快2028洛杉磯奧運成真
27 Jun 2022