「做運動對健康有益」呢個常識大家都知，甚至有人認為越做得多運動、身體就會越好。但日本《讀賣新聞》報導，其實每日做10分鐘左右肌肉訓練就已經能夠顯著減低健康風險，而且做得多仲有反效果！

據日本《讀賣新聞》引述一個由日本東北大學做嘅研究，指佢哋收集咗國內外共1252篇相關論文，從中整理中16份去研究肌肉訓練與疾病、死亡之間嘅關係，結果發現每星期做30分鐘肌肉訓練，就已經可以令患癌機率滅少9%、做40分鐘可以減低死亡風險17%，做夠60分鐘嘅話，患上心血管疾病嘅機率亦會降低18%。另外隨住運動時間增加，患糖尿病機會都會降低。

以上數據絕對唔會令人感到意外，但研究同時發現，如果每個星期做多過130-140分鐘肌肉訓練，患糖尿嘅機會以及死亡風險反而會增加。140分鐘除開，其實即係每日20分鐘左右，換言之有規律地做短時間嘅運動，比起長時間運動其實係更加健康。不過東北大學教授門間洋樹指，是次研究只能搵出「肌肉訓練時間」與「患病風險」之間是否有關聯，實際原因要再進行其他研究確定。