{ SKIP }
文:MenClub 魏文青  
POSTED ON 27 Jun 2022

雖然話奧運係全球矚目嘅大型運動賽事之一,但喺芸芸眾多奧運項目之中,總有啲係大家冇乜聽過、又冇咩興趣睇。好似「現代五項」咁,佢嗰「五項」究竟係邊五項都唔係人人數得出。不過去到2028年洛杉磯奧運,現代五項中或者會加入一個大家一定睇過嘅項目——當年大台譯做《力王爭霸戰》、外國叫做《Ninja Warrior》嘅障礙賽!

如果你唔記得《力王爭霸戰》係咩黎,可以睇睇森本裕介於2015年完成四個階段「完全制霸」嘅片段

而如果你年紀有返咁上下,應該會記得呢位長野誠船長,佢由2001年嘅第七回《SASUKE》就開始參加,一直到2016年第32回以44歲之齡引退。其中於2006年舉行嘅第17回中達成「完全制霸」,係史上第二個達到此成績嘅參加者。

香港人熟知嘅《力王爭霸戰》,原本其實係日本TBS節目《筋肉番付 (港譯:筋肉擂台)》嘅特別環節《SASUKE》,後來因為太受歡迎而成為獨立節目。TBS亦有將《SASUKE》嘅版權賣畀其他國家嘅電視台,其中美國版就係叫《American Ninja Warrior》。

《SASUKE》係一個大型障礙賽,通常會分為四個階段,每個階段又分為多項對體能有極高要求嘅挑戰,參加者要完成所有挑戰先可以晉身下一階段,完成四個階段 (最後一段通常係徒手爬上一個高塔)就能夠獲得獎金。由於難度極高,所以即使舉辦多年,能夠完成整個賽事嘅人都係寥寥可數。

順帶一提,日本目前只有四個人可以「完全制霸」,目前最後一個就係2015年嘅森本裕介

圖片:TBS

而據美國《Deadline》報導,國際現代五項總會 (UIPM) 以及國際障礙賽協會 (FISO) 正與TBS合作,研究以《SASUKE》替換現代五項中嘅馬術障礙賽 (另外四項係劍擊、射擊、跑步及游水),一方面當然係想靠《SASUKE》於全球嘅人氣黎拉高收視,另外亦因為現代五項選手並非專攻馬術,所以馬術障礙賽中經常出現撞欄、拒跳甚至墜馬嘅情況,令觀看性大減。

據知UIPM及FISO會於剛剛喺土耳其完結嘅現代五項世界杯之後,立即舉行一場試驗賽,睇下以《SASUKE》取代馬術障礙賽嘅可行性。而如果一切順利,最快於2028洛杉磯奧運上就可以見到新版現代五項,唔知大家又會唔會期待一下?

資料來源:Deadline
日前世界盃H組第二輪賽事,葡萄牙以2:0擊敗烏拉圭提早出線晉級16強,其中C朗因為堅稱自己透過頭鎚頂入第一球,引起網民熱烈討論,更戲稱佢為「上帝之髮(Hair of God)」。不過,國際足協(FIFA)翻查足球感應器數 ...
sports
【上帝之髮】國際足協維持原判!足球感應器數據顯示C朗未有觸球
01 Dec 2022
即將舉行嘅卡塔爾世界杯醜聞不斷,早有卡塔爾為建造球場草菅人命、近有傳聞卡塔爾賄賂FIFA高層而獲得主辦權,如果你覺得呢啲離香港嘅大家太遙遠,咁最新嘅傳聞就可能同大家息息相關,因為據英國情報顯示,卡塔爾已經 ...
sports
【世界杯】英國情報指卡塔爾重金收買厄瓜多爾球員 世界杯揭幕戰內定勝1:0
18 Nov 2022