{ SKIP }
文:MenClub 魏文青  
POSTED ON 27 Jun 2022

早前我哋同大家報導過日本國會通過「AV新法」,表面上係為咗保障演出者,實際上就係令整個合法AV業界大受影響、暑假拍攝全停、女優完全停工。日前著名男優清水健就於Twitter發表對「AV新法」嘅睇法,指新法通過後簽約嘅時間仲長過拍攝時間,而且佢認為「非法AV」根本唔會理會AV新法,亦即AV新法其實無助保障演出者。

於「AV新法」之下,片商每拍攝一部作品,都要與所有演出者 (女優、男優、汁男優等) 簽訂一份新嘅合約,而且合約簽好後最少要一個月先可以開始拍攝,拍攝完成後,又要等演出者同意作品成果後4個月先可以將作品上架,換言之即使一切順利,一部作品由簽約到上架最少都要5個月時間。

而清水健就於Twitter上分享,自從AV新法成立之後,所有演出者每次都要簽訂一模一樣嘅合約,演出者亦要一一確誌所有拍攝內容,「簽約要用嘅時間仲長過拍攝嘅時間」。而且由於合約期限只係一部作品,換言之所有演出者都變成非正式員工嘅「契約社員」,獲得嘅福利及保障反而更少。

清水健亦提出疑問:「『同人AV業界』真的會跟住做到足嗎?」所謂「同人AV業界」即係由非法片商 (有時只係一兩個人) 拍攝、於FC2等平台上販售嘅作品。由於本身就係非法,所以基本上完全無視如「必須有碼」等日本相關法規,自然地亦唔會理會「AV新法」。換言之「AV新法」對合法AV業界造成巨大衝擊,但對非法業界就毫無影響,結果反而會令非法業界發展得更快、更容易招攬急需要錢嘅女性演出者。 

雖然話日本偶像會踏足寫真界並唔罕見,但今晚要介紹呢位「雪村花鈴」就可能當中比較特別嘅一位。事關佢去到寫真界唔係拍下雜誌寫真、出下寫真集咁簡單,而係推出寫真DVD!仲憑住被比喻為「棉花糖」嘅軟嫩Body成為有 ...
girls
【深夜】前偶像女團轉戰本格寫真 棉花糖Body「雪村花鈴」
15 Aug 2025
過去唔少與兩性擇偶行為有關嘅研究都認為,所謂「具外表吸引力」嘅身體特徵,例如臉部左右對稱呀、男要有肌肉、女要有前有後等等,其實都係生育能力強嘅表徵,換言之大家想要「外表吸引嘅另一半」背後,其實係「想要 ...
thezone
【兩性】點解想搵靚仔靚女做長期伴侶?新研究指可能係因為你性欲強
14 Aug 2025