台灣T1 League男子職業籃球聯盟球隊「桃園雲豹」隊今早宣佈，著名NBA球星「魔獸」Dwight Howard將於日內正式加盟。而球隊嘅Facebook專頁亦發佈Dwight Howard拍攝嘅影片，表示急不及待想和隊友、台灣Fans見面。

桃園雲豹今早於Facebook發佈Dwight Howard親身拍攝嘅影片，並正式宣佈「魔獸」會於本週抵達台灣，球隊會於本週六舉行加盟記者會，19日將會係「魔獸」於台灣T1 League的首戰。在Facebook帖文中，總經理蘇翊傑說：「我們會邀請霍華德加盟的主因，不但要將雲豹打造成為全臺灣禁區最強球隊，歡迎大家來挑戰，更希望能幫助國內籃球水準往上提升，注入更強的熱情及共同創造更好的環境。」

而影片中嘅Dwight Howard，亦用非常興奮嘅聲音表示自己非常期待加盟球隊，並指自己非常掛念台灣嘅Fans及美食。佢亦表示會為桃園雲豹贏得總冠軍。

圖片：Wiki Ccommons

現年36歲嘅Dwight Howard自2004年以狀元身份加入NBA，曾效力魔術、湖人、火箭、鷹隊等多支球隊，職業生涯曾8次入選NBA明星賽，5次NBA最佳陣容一隊，並於2020年隨湖人贏得NBA總冠軍。不過去季魔獸轉為自由身球員後一直未有班落，更一度傳出會轉戰WWE摔角。