{ SKIP }
文:MenClub 魏文青  
POSTED ON 08 Nov 2022

早前《Hunter X Hunter》連載事隔3年有多再開,但眾所期待嘅古拿比加連影都冇,反而聚焦於一大堆觀眾非常唔熟嘅黑幫家族之上。事實上自「嵌合蟻篇」後,唔少人都認為《Hunter》已經「變咗味」,而《週刊文春》日前就進一步分析,指《Hunter》其實係講緊少年面對現實嘅殘酷,而尼特羅會長之死就係轉捩點。

尼特羅會長於對抗蟻王中失去左手及右腳,同時最後放棄武術,利用科技 (薔薇炸彈) 解決問題

日前《週刊文春》刊出記者「加山竜司」對於《Hunter》嘅分析。佢指出由於冨樫義博非常鍾意打機,所以無論係《幽遊白書》、《Level E》以至早期嘅《Hunter》中,都充滿住類似遊戲嘅設定,漫畫角色會面對一堆非常清楚而且不能違反嘅規矩,當中亦有明確嘅勝利條件,例如「貪婪之島篇」要收集100種卡片等。同時由於早期嘅《Hunter》都係以「少年讀者」為目標,所以於規矩中會有「保護少年主角」嘅設定,例如「天空鬥技場篇」嘅TKO規矩,向讀者明示或暗示作品中嘅重要人物唔會輕易死去。

《Hunter X Hunter》最新單行本封面

不過隨住連載進行,唔知係冨樫義博心態有改變,定係佢考慮到《Hunter》嘅讀者已經唔再係少年,所以自「嵌合蟻篇」後作品就摒棄早前設定,主角們唔再面對「遊戲」,而係「現實」(即嵌合蟻),一切都只係弱肉強食嘅殘酷生存競爭。其中尼特羅會長於對抗蟻王一役當中,失去左手及右腳嘅一刻,就係代表漫畫世界中嘅「規矩」崩壞。而小岡於「嵌合蟻篇」後嘅遭遇,亦象徵少年對現實發起「不自量力的反抗」嘅後果。

分析亦指出,由「會長繼承篇」到目前嘅「王位繼承篇」,其重點已經不在於戰鬥、冒險,而係更加現實、更加殘酷嘅政治。而當失去「規矩」嘅桎梏後,「保護少年主角」嘅設定已經不再存在,作品中任何人,甚至重要如古拿比加,都有機會喪生。唔知各位又同唔同意佢呢個分析呢?

資料來源:週刊文春

隨住依家由大人到細路都電話不離手、又成日對住部電腦,越黎越多人嘅視力出現問題,甚至有唔少人已經去到唔戴眼鏡就咩都睇唔清嘅景況。對佢哋黎講,沖涼時要除低眼鏡係一件非常麻煩嘅事,但唔除又會整濕副眼鏡,又或 ...
hobby
【生活】日本推「風呂眼鏡」 防霧防燙大受好評
16 Apr 2025
迪士尼下部真人版電影《史迪仔》(Lilo Stitch)將於下月正式上映,目前業界非常睇好呢部作品嘅票房表現,預計在北美開畫頭三天即可突破一億美元票房。 iframe width="560" height="315" src="https://www.youtu ...
hobby
【影視】外媒預測真人版《史迪仔》開畫房票可破億美元!有望彌補《白雪公主》虧損?
16 Apr 2025