減肥係大部份人嘅終生事業，所以屋企或多或少都會有啲健身器材存在。問題係啲健身器材通常都又重又大而且仲幾樣衰，放喺屋企都真係幾破壞觀感。好在日本Mizuno近日就同美國花生動畫聯手，推出一系列《Snoopy》運動用品，當中就有一個非常可愛嘅Snoopy啞鈴，或者大家都可以考慮下。

其實呢個Snoopy啞鈴除咗肥咗啲，睇落同一個普通Snoopy公仔冇咩大分別。唯一特別之處，就係呢個公仔淨重兩kg，喺屋企用黎做輕量運動絕對係綽綽有餘。可愛嘅外型除咗可以避免普通健身用品嘅礙眼問題，仲可以提升大家做運動嘅意欲，唔用時放喺屋企仲可以當係裝飾。售價方面就要9900Yen，即約港幣600蚊左右。

如果你嫌2Kg唔啱用，Mizuno同花生動畫仲有推出兩個以Snoopy同Charlie Brown個頭為這型嘅小啞鈴，每個重500g，賣4950Yen，即約300港紙。

資料來源：Mizuno