八、九十年代港漫百家爭鳴，其中以「畫女」最出名嘅，既有近年「代表作」為西九外牆海報嘅林祥焜，亦有畫出「肥婆四」、「哨牙珍」嘅甘小文。而黎緊呢兩位風格截然不同嘅港漫大師，就會聯手於銅鑼灣舉行《雙囍》展覽，除咗互相「二創」對方嘅作品之外，仲推出一系列週邊。

由即日起至2月5日期間，兩位漫畫家將於銅鑼灣Amaz By Lokianno店內舉辦「林祥焜．甘小文—WHAT FOR...!? x Amaz By Lokianno《雙囍》展覽」。其中《WHAT FOR...!?》為林祥焜自家品牌，是次展覽亦係品牌主辦嘅第一個企劃展覽；而「雙囍」除咗係指農曆新年之外，仲係指場內會展出兩位漫畫家嘅女角作品，所以係「喜上加喜」。

屆時場內會展出兩位為企劃而特別創作嘅作品，當中包括全新聯乘插畫海報，以及為七仙羽師傅聯手創作嘅全新插畫！另外亦會有集結二人多年合作作品嘅《雙囍》，以及利是封、T-Shirt，肥婆四、哨牙珍雕像等。

「林祥焜 ． 甘小文 — WHAT FOR...!? x Amaz By Lokianno 『雙囍』 展覽 」

日期：1月15日至2月5日

地點：Amaz by Lokianno（銅鑼灣 Fa shion Walk 京士頓街 2 - 4 號地下及地庫）

時間：中午12時至晚上9 時

費用：免費入場參觀