據《南華早報》引述消息指，葡萄牙球星C朗（Cristiano Ronaldo）將於明年在香港開設期間限定博物館，屆時C朗亦有望親自訪港揭幕！

消息人士透露，C朗在上月已就「香港C朗拿度博物館」答署合約，展期為2025年6月至2026年5月，而C朗亦計劃來港參與開幕儀式，若然事成，將會係C朗出道以嚟首次到訪香港。

位於葡萄牙馬德拉群島豐沙爾嘅CR7博物館。

主辦方Star Shine Holdings Group及Asia Partners IFBD Corporation發言人表示，博物館將設有引人入勝嘅足球活動，並透過3D影像及照片展示C朗足球生涯成就，而參觀者更可以買到C朗親筆簽名獨家商品。門票售價及發售日期有待官方後續公布。

位於沙地阿拉伯首都利雅得嘅CR7 Signature博物館在去年十月底開幕。