由上年網絡洩露出照片開始，起初好多人以為係fans自製版嘅adidas x《龍珠Z》。結果官方走出來承認係有呢件事，相信唔少睇開龍珠長大嘅朋友，應該都會想支持下。而香港方面，首兩款adidas Originals x《龍珠Z》系列ZX 500 RM和Yung 1，代表孫悟空和菲利嘅鞋款將於9月29日正式開售。最特別係今次由近照中看到孫悟空ZX 500真身的牛仔布細節造得相當出色。而整個adidas x《龍珠Z》系列共推出七對鞋的鞋盒將可砌成一幅龍珠圖畫，即刻令整個系列收藏價值大大提高！

今次adidas效法原版《龍珠Z》漫畫書脊的做法，於鞋盒側印有龍珠角色的圖案，整個adidas x《龍珠Z》系列嘅七對鞋可砌成一幅連環圖，整個包裝設計極有紀念性！

以孫悟空為藍本的ZX 500 RM，鞋身以「龜仙流道服」藍橙色出發，橙色麂皮為鞋身，而鞋舌與三間特別採用了牛仔布物料，實物相當不俗。鞋側就以橙色線繡上悟空專屬的筋斗雲，加上鞋跟的「悟」標誌，真係好龍珠！

$1,399

另一邊廂，菲利以大熱的dad shoes跑鞋Yung 1為藍本，採用菲利嘅白、紫色調，而鞋內側Torsion System的以粉紅色作焦點。整對鞋的輪廓仿如菲利的肌肉紋理一般，非常特別。

$1,199

屈指一數，原來《龍珠Z》於1989年起推出，明年將踏入30周年。而一共七對的adidas Originals x《龍珠Z》系列，官方已表示由9月至12月，一共分4彈推出；今回首波登場的是最熟悉的臉孔 - 主角孫悟空 (Son Goku) 和菲利 (Frieza)，的ZX 500 RM和Yung 1。接着第二彈就輪到孫悟飯 (Son Gohan) 及斯路 (Cell) 化身Deerupt及Prophere組合；第三彈比達 (Vegeta) 及魔人布歐 (Majin Buu) 分別以Ultra Tech及Kamanda鞋款示人；最後，神龍將以EQT Support Mid ADV PK獨自現身。

發售地點：

adidas Originals Flagship Store 銅鑼灣Fashion Walk京士頓街6B號舖 2504 2186

adidas Originals   旺角奶路臣街17號THE FOREST地下G7-G8及1樓114號舖 2618 2332