關於現代時裝美學，何謂靚，何謂人氣，或者，可以按UNDERCOVER的slogan作語：「We Make Noise, Not Clothes」。尤其在資訊暴走的今日，品牌們要搶佔大家的眼球，啲衫整到靚一靚係無用，與其他神枱級單位「make noise」，才是吸金之道。Kim Jones在LV離任前爆一齣「Supreme x Louis Vuitton」，及後轉會到Dior後首季已聯來KAWS巨型粉紅色Companion壓場。來到Dior 2019 早秋男裝系列，今次請來空山基的「Sexy Robot」坐鎮，下季會玩咩？不妨參考一下Supreme過往的聯乘單位，似乎有路可捉。

作為Kim Jones 上任Dior後的第二場show，素來與街頭藝術關係密切的他，今次就將Dior移師至東京舉行首場Dior fashion show。今季依然由兩位機能風設計師Matthew Williams和Yoon Ahn協力下，再加上日本機械藝術大師空山基(Hajime Sorayama)的未來風，可想而知今季Dior賣的，就是金屬感，未來機能元素。

最搶手莫過於由空山基設計「DIOR」Logo 戒指、頸鏈、心口針等accessorres。

由鞋履、腰帶、袋、帽等大家可見各種3M物料、金屬材質、Matthew Williams和Yoon Ahn的帶扣等細節。相信亦是2019年的潮流元素。