平安夜、聖誕節、boxing day，再加埋之後的除夕倒數，大家仲唔玩到有幾盡得幾盡，分分鐘通頂之後又通頂，幾日加埋瞓唔夠十個鐘都有可能，但狂歡之後，通常都要付出代價，黑眼圈、皮膚乾、爆瘡、面青，尤其是一班一早過了二十頭的男士，雖然，依然有心有力四圍玩，但是新陳代謝作息一早不及當年勇，而且平安夜同大除夕都撞正星期三，放工再去通宵party，隨時未countdown個殘樣都已經出哂?！

經過一輪衝鋒陷陣後，要快速恢復元氣的話，確是高難度動作，唯有之前做足準備功夫應戰，減低傷害事後再慢慢抖到夠啦！

林偉豪Calvin個人簡介︰
跨媒體藝人，沒有完美皮膚與身材，入行以來每日鑽研男妝保養，深造男裝穿搭，從不偷懶。擁有超過十年司儀經驗，經常向各大品牌偷師；現為商業電台DJ及節目主持，曾為Roadshow、亞洲電視及香港寬頻電視主持音樂、旅遊及資訊節目；又創辦本地文化創意平台「木木文創」，主理創意及時裝業務，名副其實事業型男。

通宵派對型男持久戰示範︰

步驟一

"厚角質層同死皮會令皮膚暗啞，要面色Sharp，做個簡單磨砂就最好。Clinique呢支磨砂霜嘅磨砂粒子都幾細，細細力慢慢打圈，磨走死皮之後即刻會Feel到軟左。而且磨砂幫助直立鬚根，減少毛髮內生，可以為剃鬚做好準備。"

步驟二

"鬍鬚會不停生，去到半夜出哂鬚根就扣哂分啦。呢支蘆薈刮鬚霜有蘆薈精華，可以軟化皮膚及鬚根，泡泡幾幼細，方便剃刮。我見佢配方不含油分，用上面係幾舒服，沖左水有D做左Mask的感覺。"

步驟三
"呢支Elemis清爽保濕乳液，質地清爽唔油膩，可以快速被皮膚吸收，即時充電同埋滋潤保濕。同時亦都可以紓緩剃鬍之後所引起嘅唔舒服，等皮膚恢復彈性同柔軟度，有返生氣。"

步驟四
"開左成日工，毛孔一定會粗左，呢個時候最好就係先用Primer。MAC呢支Prep+Prime Skin Refresher亦同時係我成日話好重要嘅Finishing Mist。妝前用，佢嘅礦物質配方有助令到皮膚變得平滑，上妝更貼。亦都可以妝後用，有定妝保濕兼作用。"

步驟五
"話明係急救，皮膚用咩都唔會三分鐘變好，遮瑕度比較高嘅粉底筆就有用啦。Bobbi Brown呢支Skin Foundation Stick高清透滑粉底筆，相比傳統Foundation Stick好厚好重嘅缺點，質地相對透薄，用手就可以輕易推開，微細位可以用掃幫下手。上妝後整個膚色好自然真實，但仍然可以改善同均勻返膚色。"

步驟五
"玩通宵，對眼最易出賣你，所以畫好條眉就好重要。先用呢個BrowKit雙色眉粉畫好眉型，頭淺尾深，然後用埋佢嘅natural brow shaper梳返齊，兼上個深啡色就攪掂喇。噴埋頭先支Finishing Mist，Let’s Party!"

片中所用產品（左至右）

Clinique Face Scrub $170/100ml
優點︰配方不含油脂，並蘊含薄荷成份，能保持皮膚光滑舒爽，消除暗啞粗糙。
Clinique Aloe Shave Gel $170/125ml
優點︰蘊含蘆薈成份，不含油脂，為所有皮膚類型，甚至最粗硬的鬍子，帶來超順滑的貼面剃鬚享受。
Elemis Daily Moister Boost $448/50ml
優點︰獨有結合玻里尼西亞神聖樹萃取的瓊崖海棠油及仙人掌花精華，有助紓緩剃鬚後引起的不適。
MAC/ Prep+Prime Skin Refresher 價格待定/100ml
優點︰具保養及定妝二合一用途，可鎮靜及舒緩肌膚，可瞬速令肌膚濕潤及活力。
Bobbi Brown Skin Foundation Stick $390
優點︰加入橄欖角鯊烷及乳木果成分，能順滑地融入肌膚，又加入礦物粉及色素，讓更多的光線穿透皮膚。
Bobbi Brown Brow Kits(Eye brow brush) $500
優點︰可讓你隨時隨地打造自然的眉形，輕易令眉形更突出，亦加強線條感，並提升面部的輪廓。
Bobbi Brown Natural Brow Shaper & Hair Touch Up $210
優點︰能令眉毛更貼服外，亦可同時用作Touch-up頭髮顏色之用。