日本御宅族以熱衷流行文化聞名，對ACG、鐵路、偶像、模型等各方面都有所涉獵，唯一就係對時尚話題提唔起興趣，唔多著重自己外表，令大部份人覺得呢班人只係不修邊幅、沉迷二次元嘅毒L。隨住誤解逐漸加劇，近年「御宅族」已成為負面標籤，女人聽到都嗤之以鼻。

最近日本就有位叫「しぶやゆうき」（Yuuki Shibuya）嘅髮型師兼形象顧問，希望御宅族能追求個人興趣同時又變得時尚，為各位御宅族提供「形象大改造」服務而爆紅。每位男士只要經佢手「改造」，昔日嘅毒L都可以搖身一變成「Sharp醒」型男。我都知大家可能覺得佢睇落有啲「MK」，但㗎仔Style係咁㗎啦，最緊要佢嘅「作品」夠掂。

最多討論嘅一單Case係改造一位50幾歲嘅「御宅叔」松岡先生。Yuuki喺秋葉原物色到「宅」咗35年嘅松岡先生，用短短三個鐘時間幫佢剪咗個露額髮型、修眉，再襯埋套新衫，唔只成個人即刻「Sharp醒」晒，望落仲後生咗廿年。

秋葉原で35年間彼女無しのオタクさんをナンパして、大人の色気をまとった男性にイメチェンさせて頂きました。松岡さんにとってこの日は大きなチャレンジだったと思います。何かが少しでも変わるキッカケを与えることが出来たなら幸いです。ご協力いただきありがとうございました。 pic.twitter.com/7OyrSMlEs8

— しぶやゆうき✂️イメチェンのプロ???? (@shibuya0911) April 5, 2021

Yuuki表示，以佢接觸超過20,000位客人嘅經驗嚟講，認為一個「好睇」嘅Look重點在於令人覺得乾淨清爽，唔使搞咁多花臣，只要放假去搵髮型師染下髮同修眉就夠。以下係Yuuki其他「傑作」，大家又覺得如何？