其實，有跡象顯示，愈來愈多職場男士，開始有正確嘅護膚concept，尤其係一班經常要到內地或歐美公幹嘅「巴打」，皮膚靚咗，個人後生咗，著數嘅始終係自己。

除咗注重早晚護膚程序，亦好應該把握偷閒嘅日子，做番個正Spa同Facial，慰勞鬆弛兼可quick recharge（Come on！呢幾日你執唔少啦，獎勵下自己啦！）

唔少人覺得夏天先做Spa，傻啦，其實喺春末至初夏呢段容易令人疲倦嘅時間，更加適宜做Spa。

提到做Spa，第一時間諗到泰國，又可能想起THANN呢個品牌，稍為熟悉曼谷玩樂情報都知，THANN走中高檔路線，佢哋皇牌嘅body care產品同香薰有好多香港fans，而當地THANN Sanctuary泰式傳統Spa更幾乎成為必到「朝聖點」。

不過呢，就算幾鍾意去曼谷歎Spa，最多一年去三幾次，想喺本地隨時享受Spa，始終要搵間正宗泰國Spa先掂，THANN Sanctuary早前喺海港城開設首間Spa專門店。

環境舒適，陳設與泰國「總壇」好相似，同樣係滿室香薰。

被國際權威旅遊雜誌 Condé Nast Traveler 選為全球55間最佳SPA之一，THANN Sanctuary當然有其實力。佢哋嘅按摩油同按摩師，都由泰國方面揀選，配合客人的身體狀況，對特定部位及穴位，作相應調理。另外，亦可配合客人挑選的THANN系列按摩油，進行全身按摩。

按摩師會在Spa開始前，講解香薰成份及功用，讓客人挑選所需。

5款香薰油提供選擇︰
Eden Breeze－幫助改善失眠問題
Lavender & Rosemary－具舒緩身心作用
Aromatic Wood－改善消化系統
Oriental Essence－可改善睡眠質素
Sea Foam－去水腫、消除皮勞

我哋邀請男模Felix，親身一試招牌按摩療程「Signature Massage」（$1,200/90分鐘），按摩師會以掌心、拇指及前臂的按壓，為身體進行深層按摩，據知能有效舒緩因長時間使用電腦鍵盤、滑鼠而引致的手、肩疲勞、腰酸背痛，以至運動後的肌肉繃緊。

Felix讚按摩師按壓位置好準，有幾次舒服到想叫出嚟，超爽咁話！

按壓位置都係針對打工仔或運動一族最易疲勞位置（例如肩膀、腰間）

男客人由男按摩師進行服務，避免不必要的尷尬

歎得冷氣多，莫講話女士，男士們都會頂唔順，成日嗌頭痛，按摩師最後會對頭部按壓，大大舒緩經常頭赤赤嘅你。

做完SPA，梗係歎埋個特選時令水果先走啦

做Spa前後你要識

1.進行Spa開始前，客人應先沖涼，先放鬆身心

2.Spa後不宜立即沖涼，至少等4至6小時讓身體吸收精油

  做完SPA，成個人精神晒，但唔好忘記要做埋facial，救番皮膚，尤其係塊面！
香港空氣質素有幾高，你好清楚，近期天氣不穩，塊面勁易敏感兼易出油，話到底，用有機產品著數啲，大大減低致敏機會，A beauty bar就推出咗男士適用面部療程－「John Masters Organics皇牌有機香薰舒壓面部護理」（$1,220/90分鐘）

設有四個獨立房間提供護理療程

療程採用嘅產品，必須含有至少75或100%有機成份，成份中植物油材料都強榜以不損生態環境方法提取，所有精油都經過蒸餾提取及保存。另外從採發、生產及包裝，全部過程都在美國完成。

推介上述療程，好大原因係療程專門針對油性皮膚，講緊你啊！油性皮膚易出油、毛孔較粗、泛油光及易出黑頭、暗瘡。唔使怕醜，因為大部份香港男士都要面對類似問題。

先以含有Bearberry嘅洗面泡清潔，該種成份可以平衡油份，針對油性皮膚

之後進行12至15分鐘淋巴排毒按摩，作用就如將垃圾丟走。

敷上含有Moroccan泥面膜，吸走多餘油份及收細毛孔。

補多個金盞花水份mask，舒緩及淨化皮膚，針對底層骨膠原

搞掂！歎番杯花茶，成個人爽晒！

THANN Sanctuary（3689 4391）
A beauty spa（2833 5157）