呢排天氣又乾又濕，成日落埋啲「陰濕」雨。

唔知大家覺唔覺得好多時，當你十日都會帶住把摭出街，但到第十一日，你諗住應該唔會落雨啩，個天就會唔太like你，跟手仲落起滂沱大雨，真係邪到你唔信。

但實情係，再邪啲都仲有，當你諗住拎嗰個用咗兩個月花紅購入嘅名貴皮公事包返工，諗住可以係班同事面前威風一次，點知人未返到，就落起滂沱大雨，喺毫無準備之下，唯有將你剛剛買入，用嚟「威威」嘅公事包擋雨，真慘，堂堂一個真皮公事包俾雨淋到濕晒，真係欲哭無淚。

經過今次教訓，你學精咗，除咗雨具隨時跟身之外，仲要記得為個名貴皮公事包，買番件雨褸，以免佢再俾大雨糟塌，而呢個名為「The hangbag raincoat」嘅產品就啱晒心水。

黑色半透明「The handbag raincoat」

白色半透明「The handbag raincoat」

雨點圖案半透明「The handbag raincoat」

聽個名就知佢係為下雨天嘅手袋而生，用途與用法與名店於落雨時，會為顧客嘅購物袋套上一層膠袋放水嘅情形一樣，不過，「The hangbag raincoat」就再貼心啲，循環再用之外，亦可以摺合式收藏，原理同環保袋一樣，顏色方面暫時得三種選擇黑色、白色及雨點圖案，半透明闊身設計，分大、中、細尺寸，基本上容納到市面各種尺寸手袋，售價折合港幣大概$190-$230。

當然，識做嘅你，會順手買多個俾嗰位一樣咁鍚手袋嘅另一半啦！

資料來源︰https://handbagraincoat.com/