其實諗諗吓，香港嘅網站好少有專講及有關男士髮型潮流嘅資訊，就算有都喺點到即止，唔似得女士方面，每一季都會有update。可能大家都覺得，多半男士嘅髮型都喺以短髮為主，變化都唔會太大。

最近，小編就搵到嗰外國網站，叫「Hair style on point」。

網站除咗定時定候就會推介一啲「有型士」嘅髮型，問吓佢哋點樣選擇合心水髮型？（大部份答案都喺由你嘅髮質同面型去決定），唔喺呢期大hit韓風你就走去跟，要襯番自己先至好。亦都會抽樣，焦點性地報導某位男明星髮型，例如，最新就有提到男子團體One direction成員Zayn Malik剛剛剷咗個頭skin head示人，大讚佢咁做合乎夏天需要一個清新cool look，兼且將型仔程度更加升級，再次証明，搵到個啱自己嘅髮型喺好重要。

Zayn Malik剷青前同後，我buy剷咗

近期亦有個幾好駛好用嘅文章《A simple guide to popular and modern styles》，圖文並茂咗男士髮型四個大trend，不妨參考一下︰

第一個︰Undercut

圖片來源：hairstyleonpoint.com

呢期的確見到唔少男士都轉向梳呢種髮型，即係側邊剷短，額頭以上部份留長。Undercut勝在簡單，亦都可以有唔同嘅變化存在，無論你本身屬於直髮或者鬈髮人士，Undercut嘅梳法都可以handle到。

第二個︰Man Bun

圖片來源：hairstyleonpoint.com

若果你梳開普通三七分界「乖仔頭」，Man Bun呢類「佬味」甚重嘅髮型，對你嚟講的確喺一種全新挑戰。當你嘅頭髮長度，包括額頭部份，長至可以束起，可以嘗將頭髮束至中間位置，扭成一個小球體，你想再有啲變化嘅話，可以係尾留番少少頭髮出嚟，夠晒瀟灑，若果自問夠「佬味」，可以留下鬚襯番個look。

第三個︰Top Knot

圖片來源：hairstyleonpoint.com

Top Knot喺Undercut及Man Bun嘅混合版，即是側邊依舊剷青，額頭至頭頂部份頭髮留長，至可以束成一條小辮子，呢種髮型要好有心機留長先得，小啲耐性都唔掂，同埋，應該唔會有好多老細接受到，尤其是返office工要見客嗰批。

第四個︰Fade

圖片來源：hairstyleonpoint.com

要達到Fade髮類型，準則先要將兩邊及後枕以上嘅部份全部剷青，頭頂及前額部份就剪短（但留小小蔭，唔似undercut連前額都gel起）。呢個髮型，一定要有心機gel頭，一係就預咗俾人話你似河童。