網絡上間中都會有人分享香港街頭嘅舊照片，從中除咗可以睇到城市變遷之外，亦能睇到市民生活習慣以至潮流的改變。已跟一道號一張拍攝於一九七八年新宿街頭嘅舊照片，就成為日本網絡熱話，不過原因並非因為新宿閃樂大有不同，而係照片中人頭湧湧嘅街道上，竟然冇一個人著黑色衫！

やはり黒い服を着た人がいない https://t.co/fhvgaQO1Oj

— 齋藤 (@saito_d) July 14, 2023

有去過日本旅行，都會知道日本人經常會著黑色衫，例如上班族，不論男女都要著黑色西裝；即使著便服，亦有好多人會選擇易襯又時尚嘅黑色，結果就係街上大部分人都係著黑色衫。不過喺上面呢張舊照片中，就可以見到整條街上幾乎冇人穿著黑色，甚至可以稱得上係色彩繽紛，強烈反差令日本網民紛紛討論黑色衫成為主流嘅原因。

2021年嘅新宿三丁目街頭

圖片：Google街景

有網民分析指，日本嘅黑色潮流，係由山本耀司及川保久玲等設計師於1980年代前期開始帶起，在此之前日本當然有黑色衫，但就並非大家襯衫時嘅首選，甚至會係禁忌。但經歷過多位設計師不約而同帶起嘅「黑色衝擊」之後，黑色衫與「時尚」掛勾，近十幾年再成為主流，結果造就大家近年去日本時會見到，「一街都係黑色衫」嘅景象。

另外亦有人提出，1978年正值日本經濟起飛鼎盛期，同年成為全球第二大經濟體，社會一片欣欣向榮，導致大家打扮得更為花姿招展；但後來日本經濟泡沫爆破，社會風氣低迷，人們亦更偏向深色、黑色衫。