1.選著隱形襪

諗住唔著襪就可以幫手降溫？No way啦！仲有，其實你應該都試過著皮鞋唔著襪，其實仲焗腳，啲汗「啜」住塊皮仲唔舒服！所以呢，想腳眼位置可以散熱又有襪著，咪搵100%棉質、薄身嘅船襪囉，「索」汗又透氣。

2.吊腳西褲

著得對船襪就梗係要襯埋條吊腳西褲，再踩埋對low-cut皮鞋，咁就可以將個open-air位置擴展到最大。不過，記謹西褲長度不能過份地短，剛剛露出腳眼就perfect啦！

3.選輕身布料

明白有人會想慳錢，諗住西裝有兩套替換，著足全年就ok，但始終春夏同秋冬季節，所要應付嘅溫度天氣截然不同，春夏時份，最好選擇輕身布料，例如混麻質，Cool Wool等，無理由家陣仲著絨料呱！

4.放棄打呔

要對抗高溫，就要暫時放棄打呔，唔好成日勒住條頸，以防中暑。但始終無咗條呔，或者會被人唔formal嘅感覺，但其實有方法可以將呢種感覺減到最低，首先，要選擇上下同色西裝，內襯恤衫，但選擇圓領剪裁，記得要「攝」埋件裇衫，咁出嚟嘅感覺依然可以好得體。