都知道Sir Paul Smith依然老當益壯，但估唔到差唔多70歲嘅佢，就連體操都有本事玩埋一份。

查實呢，玩體操並唔係Sir Paul Smith本人，而係佢邀請返嚟嘅嘉賓，包括奧運體操金牌選手得主Max Whitlock及一眾馬戲團成員，著住品牌推出嘅秋冬新系列"A suit to travel in"西裝，做出各組體操動作，又倒立、又後空翻，幾乎個個持技員上身，就從而反映出新設計用上百分之百羊毛制作，獨特剪裁後，係幾咁有彈性及延展性，著住出trip一定感到舒適柔軟，講真，出trip最緊要著得舒服之餘，兼有番啲形象先得嘅。

另外，帶住西裝出trip，最怕易皺，預著間酒店無燙斗就真係成個企係度唔知點算，咁Sir Paul Smith亦都親身証實，"A suit to travel in"西裝任你點整皺後，都可以不留痕跡，佢本人就即場除底西裝褸之後，再揉到成個波咁，但攤開後並無留底一條皺痕，非常堅揪。

單單賣以上兩頂優點，都足夠"A suit to travel in"西裝係今個秋冬大賣。