求穩陣，呢3隻色大家應該有齊。

圖解顏色配襯，應該易明易handle，圖表中打對面的顔色，屬雙方的補充顏色，亦係最難搞嘅顏色配搭，望望你就知；而排喺每隻顏色左、右，兩邊的顏色，就叫近似色；每隔3格的顏色，就定為對比色（黃、藍色，均同紅色有3格距離，亦即是紅的對俾色），而講到恤衫襯呔，用對比色襯法就，例如用深藍色恤衫，襯酒紅色呔，穩陣有特色。（注意：圖表顏色只代表color tone，並非代表要選一模一樣的鮮色系。）

領呔闊度，最好和西裝領邊，距離愈近愈好。

粉紅色恤衫配紫色斜紋呔，今次玩近似色系，顏色柔和、舒服有特色。

粉藍恤衫配深色圖案呔，領呔最好屬針織質料，圖案玩波點，小點均可。

條子恤衫，可襯同色系大斜紋呔，做到顏色及圖案對比。

格仔恤衫，揀格紋其中一隻色，加深幾度作領呔色，只要顏色夾，有冇圖案都冇問題。