{ SKIP }
文:MenClub 魏文青  
POSTED ON 20 Feb 2020

講起電動車,大家一定諗起Elon Musk創立嘅Tesla,雖然唔少廠商都已經推出過不同類型嘅電動車;講起全球首富,好多人都會諗起微軟創辦人Bill Gates,雖然早兩年佢已經被Amazon創辦人Jeff Bezos取代。照計Tesla同Bill Gates都算係河風馬牛不相及,但近日Bill Gates接受訪問時竟然激嬲咗Elon Musk,搞到佢喺Twitter反擊,究竟發生咩事?

卻說早前美國著名科技評論員兼Youtuber Marques Brownlee訪問Bill Gates,內容本身就係關於後者一年一度嘅「Annual Letter」,講下佢個基金會做過啲咩咁。咁你知Bill Gates著重環保,於是講下講下就去到電動車嘅普及,Bill Gates先認同Tesla於推動電動車嘅功勞,但亦指出其他車廠「追得好快」,然後仲爆埋自己近排都買咗架電動車,但唔係Tesla,而係Porsche推出嘅電動超跑Taycan。然後又談到所謂「環保溢價(Premium)」,亦即因為會環保而額外付出嘅金錢,例如電動車雖然環保,但卻有車價貴、航程有限、充電時間長等「溢價」,只要能夠解決呢啲問題,大眾對於電動車嘅接受程度就會大幅提高。
正正就係呢番言論激嬲一眾Tesla愛好者,非官方嘅「Tesletter」指對Bill Gates感到失望,因為佢咁講完大家就會相信電動車未Ready,所以唔考慮買電動車。Tesla創辦人Elon Musk亦用個人Twitter轉推,淡淡地留咗句「說真的,之前跟Bill Gates的對話都不是很有趣。」似乎是反擊Bill Gates指電動車未準備好嘅言論。
以前大家「有事問Google」,依家大家就可能已經習慣「有事問AI」,甚至有人會於網上討論時貼出AI答案當係金科玉律,認為AI講嘅嘢就一定啱。但《BBC》及歐洲廣播聯盟 (EBU) 近來公佈嘅一個最新研究,就發現市面上所有 ...
tech
【科技】AI仍然信唔過 BBC研究指近半答案有重大錯誤 Gemini表現最差
30 Oct 2025
「動力外生骨骼」(Powered exoskeleton)老早己經唔係科幻片特有,而係現實中都存在嘅技術。不過過去相關產品都只見於軍事、醫療或工業用途,一般人可能連見都未見過,更唔好話有機會用。但黎緊大家就真係有可能於 ...
tech
【科技】Nike推外生骨骼跑「鞋」 助跑者跑更遠、更持久
28 Oct 2025