日本政府正計劃將海上風力發電成為主要電力來源，將逐漸提高再生能源比例，期望到咗2040年海上風力發電規模提升到3000-4500萬kW（大約相等於10個核電站），達到僅次於歐盟（EU）同中國嘅全球第三大規模。據《日本經濟新聞》報導，近日有消息人士透露東芝（Toshiba）同通用電氣（GE）傾緊將會聯合生產海上風力發電設備，以降低生產成本並快速投入市場，同歐洲及中國公司競爭。

（圖片截至：日本經濟新聞）

現時海上風力發電市場主要由中國及歐洲主導，例如西班牙嘅西門子歌美颯公司（39%）及丹麥嘅維斯塔斯（15%）。即使日本好早就投入海上風力發電市場，但由於市場規模所限而無法獲利，日立（HITACHI）同日本製鋼所都相繼退出風力發電渦輪機生產，而三菱重工就只賣但唔生產。

眼見日本政府有意提升海上風力發電比例，東芝就打算同現時風力發電龍頭公司通用電氣合作，聯合生產海上風力發電設備，短時期內大規模生產海上風力發力設備，以較具競爭力嘅成本搶佔未來市場，能唔能夠藉此「砌低」中國及歐洲公司仍然係未知之數。