香港近日天氣慢慢正式步入冬天，又係時候搵定美食幫個身取暖啦！而近日丼丼屋DONDONYA就推出期間限定「辛味豚丼配溫泉玉子」，等你享受美味豚丼嘅同時，亦能令身體暖起來!

「辛味豚丼配溫泉玉子」就係將源自北海道十勝帶廣名物帶到香港，而十勝帶廣係豚丼嘅發源地，DONDONYA沿用當地名牌豚丼老店「豚丼のぶたはげBUTAHAGE」嘅獨門秘製醬汁配方，打造特盛「辛味豚丼配溫泉玉子」。

今次選用嘅北海道豚肉，為豚肉嘅肉眼部位，肉質確實係份外軟腍，並以正宗日式烤法製作，加上辣而不嗆嘅獨門醬汁調味，配以綿密濃稠流心溫泉玉子，真係每一啖都不得了。

除左單點之外，「辛味豚丼配溫泉玉子」亦設有定食選擇，當中將包括日式湯、副菜、甜點及果茶，份量十足，鍾意食丼飯嘅你就唔可以錯過啦！

供應時間：即日起至12 月4 日