近年美國流行「覺醒文化」，而眾多片商中跟得最貼嘅就係不停將旗下經典動畫翻拍成真人版電影嘅Disney，真人版《美人魚》及真人版《白雪公主》都搵黎非白人演員出演女主角。而近日，由Rachel Zaegler飾演嘅「白雪公主」造型就首次曝光，大家又點睇呢？

圖片：SPARTACUS / SPLASHNEWS.COM

真人版《白雪公主》由現年21歲、去年憑《West Side Story》獲金球獎喜劇及音樂劇最佳女演員嘅Rachel Zegler主演，其母親有哥倫比亞血統，而爸爸就有波蘭血統，所以Rachel Zegler嘅膚色亦偏深。而睇返外國傳媒拍到嘅白雪公主造型照，服裝方面除咗變成長袖，同個領口位稍為高咗啲之外，同大家熟悉嘅動畫白雪公主分別不大；而Rachel Zegler嘅膚色的確稱唔上係白，身材比起動畫版白雪公主亦更平平無奇，但至少係靚嘅。

在 Instagram 查看這則貼文

Halle Bailey（@hallebailey）分享的貼文

大家或者覺得「白雪公主唔白」本身已經係死罪，但只要你去望望另一套拍攝緊嘅真人版公主電影《美人魚》嘅女主角、現年22歲、未必係「美人」但的確幾「魚」嘅美國歌手Halle Bailey，你就會發現Rachel Zegler已經非常順眼。