VR技術面世好幾十年，就算淨係計近年，Oculus Rift第一代已經係2010年推出，但好老實講，大家平時有幾可會用到VR技術？先唔好理要買VR裝置嘅錢同設定嘅麻煩，買完返黎可以做啲咩都已經係個好大嘅問題。但日本有個網站就為大家提供咗一個好吸引嘅理由：VR風俗服務。

圖片：Juno_xxtuber on Twitter

X-Oasis係一個於7月28日正式推出嘅日本「VR風俗」網站，用家只需要於網站上開設帳戶，然後揀選日子、演員、場景、衣服等，然後用電話於指定時間登入指定連結，再配合VR裝置 就可以使用。特別要留意嘅，係佢有7個「演員」你揀，而雖然佢哋睇落都係卡通化嘅人，但背後其實係由真人控制，所以互動就可以非常現實。而你眼見視覺刺激，耳聽真人互動，隻手呢…就做咩都得啦。完事之後仲可以同演員黎個枕邊夜話添。

圖片：截圖自X-Oasis

但要注意嘅係，過程中你雖然可以換場景、甚至換對方嘅衣著，但你冇辦法移動分身，對方嘅動作亦唔會於現實中對你嘅身體有任何影響。而且目前只開放使用電話作VR播放裝置，所以只有女上位一個姿勢，唔可以移動角色，最多就係可以轉下視覺咁啫 (未來預計會支援Oculus Rift及HTC VIVE，就可以自由活動)。另外，雖然可以要求對方唔著衫，但重要部位係會有格仔的。

價錢方面，每40分鐘就要7,000Yen (約HK$520)，平就唔算平，但比起真正嘅風俗服務又唔算貴。目前每日平均有6位使用者，而且男女都有。男仔就話貪佢唔使擔心染病，而女仔就話唔會真係危及身體。

唔好睇少人類對住成人內容嘅慾望，早在互聯網初初冒起之時，就係因為有一大班「性情中人」上網觀看成人內容，先令到互聯網變得普及。所以話唔定呢個VR性服務亦可以帶動VR成為主流架。

資料來源：X-Oasis