{ SKIP }
文:MenClub 魏文青  
POSTED ON 23 Jun 2022

早前我哋就同大家報導過,日本國會以「保障演出者」之名通過「AV新法」,未來更有可能完全禁止有真正性行為嘅「本番AV」,結果近日日本業界就傳出7、8月嘅所有拍攝都會擱置,女優們生計大受影響。無獨有偶,著名歐美成人網站Pornhub近日又被傳媒狙擊,指網站上繼續有「非自願、包括未成年人」嘅成人內容,Pornhub母公司MindGeek隨即宣佈CEO及COO兩位高層離職兼大手炒人。睇黎全球成人業都面臨困境。

左:三上悠亞;右:Melody Marks

先講日本。日本國會早前通過「AV新法」,當中最具影響力嘅一條,係「任何表演者都能要求作品下架」,當中「表演者」係指任何出鏡嘅人,亦即女優、男優、汁男優等通通都算,換言之作品越多演員,被要求下架嘅風險嘅就更大,加上新法要求下所有合約都需要重簽,所以日本片商將7、8月所有拍攝都擱置,重新再規劃。雖然大部作品由拍攝完成到上架都需要幾個月時間,換言之片方仲有存貨、大家短期內亦不至冇片可睇;但對於女優、特別係按每部作品收錢嘅單體女優而言,停拍兩個月就即係失業兩個月,所以唔少女優都於Twitter抱怨AV新法,甚至已經有人考慮要轉行。

另外據台灣AV達人「一劍浣春秋」指,AV新法本意就係禁止所有「本番演出」,兩年後可以就會真正立法,屆時整個「正當」AV業界亦會消失,轉向如FC2等非法渠道,反而令演出者嘅權利更冇保障。

日本業界亦開始嘗試規避「AV新法」。片商「本中」近日就於Twitter呼籲女優們「逆指名」,即係由女優向片商提出導演、主題等。除咗係噱頭之外,更避免女優唔同意拍攝內容嘅問題。

另一邊廂,地球另一邊嘅歐美AV業界亦唔好過。日前《The New Yorker》刊出一篇長達8,000字嘅調查報導,指著名成人網站Pornhub上依然有「非自願、包括未成年人」嘅成人內容,又搵黎受害者表示,要Pornhub下架自己嘅影片依然非常困難——如果你覺得單嘢好熟口面,你係啱嘅,因為篇報導基本上係2020年Pornhub因《New York Times》類似報導後自刪過千萬部影片嘅後續,一句講哂就係傳媒認為Pornhub當年推出嘅新規矩都係唔足夠。

而報導出街之後,Pornhub母公司MindGeek就宣佈,CEO Feras Antoon及COO David Tassillo都會辭職,雖然MindGeek指二人離職係年頭已經開始計劃,但坊間都認為二人係為事件負責而下台。同時亦有報導指MindGeek因過去18個月被爆出發佈「兒童色情」及「非自願成人內容」而令收入下跌繼而需要裁員,坊間更傳出MindGeek炒咗70%員工,只餘下能令Pornhub勉強運作嘅員工數量。Pornhub回應事件就話「炒咗過半人」嘅傳言係「瘋狂而且完全錯誤」,但就冇確認被炒員工人數。

反正能夠確定嘅係,雖然現實中步入暑假,但日、美嘅成人電影產業似乎就步入寒冬。

資料來源:AVNO1Variety

唔少日本女仔自細嘅願望就係加入演藝界,做偶像又好、模特兒又好、演員又好,反正佢哋就係會想盡辦法留喺業界之中成就自己嘅夢想。但同時亦有人選擇急流勇退,從幕前工作退下來。好似今晚要介紹嘅呢位「斉藤優里」咁 ...
girls
【深夜】已成絕唱 已引退的乃木坂46「斉藤優里」
27 Jun 2022
早前我哋同大家報導過日本國會通過「AV新法」,表面上係為咗保障演出者,實際上就係令整個合法AV業界大受影響、暑假拍攝全停、女優完全停工。日前著名男優清水健就於Twitter發表對「AV新法」嘅睇法,指新法通過後簽 ...
thezone
【AV新法】清水健發文批評:「簽約時間仲長過拍攝時間」
27 Jun 2022