{ SKIP }
文:MenClub 魏文青  
POSTED ON 07 Sep 2022

隨住西方社會對「性」嘅態度越見開放,好多以往被視為禁忌嘅行為,近年亦開始慢慢為人接受。例如絕大部份男士認為自己呢世都唔會試到嘅3P,喺外國就有越黎越常見嘅趨勢。但人多係咪一定代表更開心?定係會令參與者感到後悔?美國一間大學就進行咗個研究,發現3P嘅滿足度超出預期之餘,仲令人想一試再試!

來自美國明尼蘇達Duluth大學嘅Ashley E. Thompson及其團隊早前公佈咗個研究,搵黎276名曾經參與過「混合性別3P (Mixed-Sex Threesome)」嘅成年人 (217名男性、59名女性),並要求佢哋紀錄對上一次參與3P嘅詳情,包括與其他參與者嘅關係,其他參者嘅性別、佢本人能否達到高潮、與預期對比有幾滿意該次3P、以及如果有機會會否願意 (原班人馬) 再試一次等。

如果就發現,「與預期對比有幾滿意該次3P」呢條問題中,受訪者平均畀出3.74嘅高分,代表佢哋唔單止滿足對上一次3P經驗,更認為係「超出預期」。同時有87.7%受訪者 (不論男女) 都表示自己能夠於3P中獲得高潮,「幾乎所有」受訪者都表示願意原班人馬再黎多次。

研究亦發現,如果參與3P嘅另外兩位中,有受訪者嘅伴侶的話,受訪者想「再黎一次」嘅意願會更加強烈。研究團體估計,可能係因為有另一半參與令3P嘅過程更令人放心、同時溝通亦變得更好;同時與伴侶一齊參與3P感覺上亦會更刺激,相對上亦更符合社會道德而減低壓力及內疚。

團隊指出,研究發現受訪者對3P嘅感受大致上都係正面嘅,表示「混合性別3P」可能係成人探索「非一夫一妻制」及「同性性行為」嘅好方法。

資料來源:An Empirical Investigation of Variations in Outcomes Associated with Heterosexual Adults’ Most Recent Mixed-Sex Threesome Experience

雖然話日本寫真文化源遠流長,一般大眾都對此習以為常,但普遍父母們都唔希望自己個女要靠行性感為生除咗今晚要介紹呢位「湊みそら」嘅爸爸。事關「湊みそら」之所以會入行,就係因為佢老豆大力鼓勵,但有趣嘅係到個 ...
girls
【深夜】老豆鼓勵入行但最終嚇親 「除了胸部甚麼都沒有」的「湊みそら」
01 Dec 2023
自從疫情過去,大部份國家都回歸到正常生活,但一同回歸嘅似乎仲有各類罪案。好似有唔少貴金屬、珠寶店聚集嘅東京上野御徒町,今年就至少發生四宗店舖搶劫案,當中三宗嘅犯人都成功得手,唯獨上週日一宗劫案,就因為 ...
thezone
【日本】上野貴金屬店員工用「刺股」擊退三匪徒 網民笑稱「自帶BGM 」
01 Dec 2023