{ SKIP }
文:MenClub 魏文青  
POSTED ON 07 Sep 2022

Amazon Prime製作嘅《魔戒》衍生劇《The Rings of Power》早前開播,雖然開播日就吸引咗2500萬名觀眾,但網上劇評似乎對劇集更改原著《精靈寶鑽》感到非常不滿,令劇集於Rotten Tomataes嘅觀眾評分僅得39%。就連世界首富Elon Musk都忍唔住喺Twitter發文:「托爾金都喺棺材彈起身啦!」

圖片:Rotten Tomatoes

《The Rings of Power》主要改編托爾金原著小說《精靈寶鑽》,講述《魔戒》故事發生前幾千年,精靈於中土世界對抗索倫嘅故事。劇集主要聚焦於年輕嘅精靈女貴族、後來成為「精靈女王」嘅凱蘭崔爾身上,但網上評論就指劇集不論選角、服裝、對白、以至整體氛圍都與電影相距甚遠,失去托爾金原著嘅魅力之餘仲好鬼悶。而且採用有色族群演員、以女性角色為主導等亦產生「政治正確」嘅爭議。

《The Rings of Power》中嘅凱蘭崔爾 (Morfydd Clark飾)

圖片:IMDB

而Elon Musk似乎就係幾認同呢啲觀點。昨日佢於Twitter突然發文指:「托爾金喺棺材都彈返起身啦!」結果獲得超過27萬個讚好,隨後佢再回應自己個帖文進一步解釋:「到目前為止 (劇集播咗兩集) 幾乎所有男性角色一係懦夫、一係賤格,再唔係就兩樣都係。唯有凱蘭崔爾係勇敢、聰明同友善嘅。」似乎就係對於劇集嘅「政治正確」感到不滿,

理想當然地,有網民同Elon Musk持相反意見,甚至認為Elon Musk唔鍾意劇集係因為種族歧視。Elon Musk亦有留言反駁:「嗰啲話對《The Rings of Power》有任何批評嘅人都係種族歧視者嘅,其實佢哋先係隱性種族歧視 (Closet Racists,亦心入面係歧視,但識得去隱瞞嘅人)」。

因為三十幾年前喺7仔偷朱古力而耿耿於懷,最近Dwayne Johnson決定重返當年「犯罪現場」彌補過錯。
hobby
【彌補過錯】Dwayne Johnson公開少時偷竊黑歷史 重回「犯罪現場」掃清貨架贖罪
30 Nov 2022
大家讀書時或者都曾經食過童星點心麵,而雖然依家香港好似冇咩人會討論起呢款零食,但喺發源地日本佢就動作多多。繼早前與Reebok及atmos聯手推出鞋身印有點心麵嘅Classic Leather波鞋後,近日又再推出第二彈,而且係 ...
hobby
【日本】童星點心麵聯乘Reebok 推增量版波鞋
29 Nov 2022