雖然話日本偶像、女星拍攝寫真係一件好平常嘅事，但其實拍攝寫真時著啲咩，原來都有講究、有分別。就好似男仔可能會覺得「泳衣」及「內衣」嘅露出度差唔多，係類似嘅嘢，但對女仔黎講著內衣拍攝寫真其實係需要更大勇氣，而且感覺更加成熟！就好似以「妹系」外表而聞名嘅「峰島こまき」咁，就要去到近日先首次拍攝「內衣寫真」啦！

現年21歲嘅峰島こまき，早年曾經加入以鐵路為主題嘅偶像組合「ステーション (Station)」，2016年以專心高中學業為由而退團，但翌年就加入目前所屬，以魔法少女為主題另一個偶像組合「ナナランド (7Land)」。2020年首次拍攝水著寫真，並於2021年贏咗《週刊Spa》舉行嘅「水著偶像頂上決戰」嘅第一名，黎緊10月仲會推出首本個人寫真集，可見其水著實力係得到大眾認可！

如果就咁睇佢嘅身材數字，區區150cm高、日本網民估計最多係B到C Cup嘅上圍，你或唔明白點解峰島こまき能夠於寫真界闖出一定名氣。而我個人就認為，峰島こまき嘅吸引之處，在於佢嘅「妹系氣質」，炯炯有神嘅大眼睛配上兩個可愛酒粒，以及一對兔仔牙，簡直就係「卡娃兒」嘅定義；而一個「卡娃兒」妹妹著泳衣、內衣影相喎！你出於好奇都會撳入去睇下啦下嘛？