本地結婚資訊媒體生活易 (ESDlife)早前公佈2022年全港結婚消費調查，當中主要都係講下結婚要使幾錢、人情又應該畀幾錢咁，但原來調查仲有問到香港男女會結婚嘅原因，以及認為係好老公、好老婆嘅條件，而正正就係呢個問題，引起網民熱烈討論，因為調查顯示有四成港男都視「靚女」及「好身材」為好老婆嘅條件。

玄杉與孫藝珍今年3月結婚，早兩日結都生埋

據報，去年香港男士嘅平均結婚年齡為31.9歲，而女性就為30.4歲，而頭三位「促成結婚的因素」，就分別為年屆適婚年齡 (72%)、感情穩定 (61%)以及有經濟基礎 (55%)，講真其實都係啲大路原因。不過調查同時有問到香港男女認為嘅「好老公」、「好老婆」條件，結果有超過四成男士都認為好老婆要靚女 (46%) 同好身材 (44%)，反觀只有17%及12%女士認為好老公要「靚仔」及「大隻」。生活易行政總裁馬宗傑表示，結果反映男士比女士對樣貌及身材更有要求。

結衣BB亦於去年結婚

報導一出，就引起香港網民熱烈討論。留言有唔少 (疑似) 女士表示港男好膚淺，「照咗鏡未」、「所有開出呢啲條件嘅港男唔該整到自己同C朗一樣咁大隻靚仔先」；另一邊廂，有網民將報導轉載去討論區後，就有另一群 (疑似) 男網友表示「女人咪又係想搵個有錢男人」、「班港女之前成日講靚仔又係出軌 樣衰又係出軌，點解唔揀靚仔，異曲同工跟你地學野」。

資料來源：ESDlife