唔覺唔覺又到九月尾，唔少人都已經為下年做緊準備，而一眾日本女星亦大多會喺呢個時段推出2024年嘅寫真月曆供Fans們預購，當中尺度有大有小、價錢亦當然有高有低。而今晚要同大家介紹嘅呢位「あまつまりな」，最近最推出咗售價高達10萬Yen (即約HKD $5,300) 一本嘅月曆，結果一開售就被搶購一空！究竟佢有咩咁吸引呢？

話說「あまつまりな」早於2016年開始於X (Twitter) 發佈自己嘅Cosplay照，旋即憑其性感身材、大尺度打扮以及可愛臉蛋而人氣急升，與「Enako」以及「伊織もえ」並稱「日本三大Coser」，社交媒體上有數以十萬計Fans。但與另外兩者不同，「あまつまりな」出道以來一直維持「虛擬人設」，絕口不提真名、年齡等個人情報，更稱自己係出身於「2.5次元」。所以當2019年佢踏足寫真界時，媒體亦係以「2.5次元偶像」黎稱呼佢。

部份月曆寫真

但所謂「英雄莫問出處」，睇女亦當然不顧出身，所以「あまつまりな」進入寫真界後人氣依然旺盛，除咗多次登上各大少年雜誌之外，8月時佢宣佈推出2024年寫真月曆，其中限定兩份嘅「VIP套裝」售價高達10萬Yen，但依然一出就賣哂。而其餘版本嘅銷量亦節節上升！唔知各位又會唔會有興趣買返本？買咗你又係咪真係夠膽擺出黎用？

IG：r_ap82_