{ SKIP }
文:MenClub 魏文青  
POSTED ON 15 Mar 2024

相信各位男士都一定有聽過「Happy Wife, Happy Life」呢類近乎口號式嘅「兩性關係建議」,但大家又有冇真係思考過呢啲說話嘅可靠性?你出盡全力氹得老婆好開心,但你自己又係咪真正開心?近日外國就有傳媒搵黎加拿大York大學心理學系助理教授Amy Muise,以研究數據破解五個常見嘅「兩性關係口號」。想好好經營關係嘅大家或者可以參考下啦。

圖片:《Marriage Story》

「愛是一種語言」(Love is a language)。

「愛是一種語言」呢句嘢,係來自美國作家兼電台節目主持人Gary Chapman於1992年推出嘅人際關係書籍《愛的五種語言》。書中嘅核心,係指人表達或接受「愛」時,主要有「肯定的言語」、「精心時刻」、「禮物」、「服務的行動」以及「肢體接觸」五種「語言」,而每個人都有一種主要、一種次要語言,只要搵到自己及對方嘅語言,大家就可以有效咁表達同得到愛。

不過,Muise教授就指出,其實人嘅「愛的語言」絕對不止五種,而且人於不同情況下會需要不同種類嘅「愛」。過往曾有研究發現,當人們被要求於一段長時間評價不同「愛的語言」的重要性時,所有「語言」都會獲會被評為重要。Muise教授指健康的愛就有如「均衡嘅營養」,其實係要樣樣都有。

圖片:《Midnight in Paris》

「健康關係要日日做愛」

性愛固然係兩性滿足度中重要嘅一環,甚至有人會認為性愛係所有兩性關係問題嘅解藥,有問題就做愛、都仲有問題就做多次。不過Muise教授就指出,過往佢曾做過三個研究,總共搵黎超過三萬名受訪者,結果發現「性愛次數」與「關係滿足度」並非完全嘅線性關係。佢指出雖然做愛頻率越高,關係滿足度就會越高,但去到「每星期做一次」之後,做多一次愛帶來嘅額外滿足度就幾乎等如零。而「每星期做一次」亦正正係所有受訪者嘅平均做愛頻率。

「即興性愛更火熱」

唔少兩性關係書籍,都表示「即興性愛」,比起提早約定、大家都有哂心理準備嘅性愛會更為火熱,雙方嘅滿足度亦會更高。但Muise教授就曾經追蹤受訪者於數個星期內嘅性生活及滿足度,結果發現無論即興與否,受訪者嘅性愛滿足度其實冇分別。不過Muise教授亦指出,當初嘅研究中追蹤嘅都係「開心嘅關係」,如果本身關係就有啲問題嘅情侶,未必會有「約定性愛」呢回事;而對於育有年輕子女嘅夫婦而言,就可以一定係約定先有做愛嘅機會。

圖片:《Titanic》

「親密殺死渴望」(Closeness Kill Desire)

大家都知處於蜜月期嘅伴侶無時無刻都渴望對方,但隨住一齊嘅時間越長、大家越黎越熟,渴望就會漸漸消退,而且女性嘅渴望消退得特別明顯,結果就會有上述「親密殺死渴望」嘅總結。Muise教授表示,佢於2022年曾經做過一個研究,發現伴侶間最高嘅性渴望,係來自「與熟悉的伴侶進行新鮮的事」,亦即「親密與新意的結合」。佢指出伴侶一齊嘗試新嘅東西,會令雙方覺得更緊密之餘,又能從新角度欣賞對方。

「Happy Wife, Happy Life」

相信各位男士都對呢句嘢有深刻體會,不需要我再多講。不過Muise教授就曾利用兩個不同嘅資料庫,搵黎超過4,000對異性戀伴侶嘅關係滿足度,並試圖用目前嘅男女各自滿足度,去推測佢哋未來嘅滿足度。結果就發現男女各自嘅滿足度,其實對於預測未來滿足度不非高低地一樣重要。換言之各位男士不單止要「Happy Wife」,其實仲需要「Happy self」先可以有真正嘅「Happy Life」,所以男士係唔應該為咗氹老婆開心而忽略自己嘅快樂。

資料來源:Nautil.us

日本係一個對紋身相當敏感嘅國家,就算你係外國人,就係你唔係「雕龍雕鳳」,都好可能因為紋身而被禁止出入大眾溫泉,更惶論藝人於大眾媒體中露出紋身。不過近年日本對於紋身嘅睇法似乎略有鬆動,例如K-1格鬥上月終 ...
girls
【深夜】紋身解禁 韓系日本辣妹「PyunA」
19 Apr 2024
近年潮流興「Y2K」(當我都拎黎講嘅時候,個潮流好可能就黎過),大家應該都見到唔少依家十八廿二嘅少女、著住我哋十八廿二時候風格嘅衫粗略地講,即係「MK妹」!但「MK妹」其實不限於打扮,其實仲描述緊當年某部份 ...
girls
【深夜】日本王道MK妹!人生進程超快嘅「小田愛実」
17 Apr 2024