{ SKIP }
文:MenClub 魏文青  
POSTED ON 05 Jul 2024

之前同大家報導過AV女優「深田詠美」被追8000萬Yen欠稅,後來佢經理人出黎爆料指「深田詠美」2018至2023年淨係拍片收入都有1.9億Yen(約HK$920萬),或者會令大家以為AV女優都賺好多。但大家唔好忘記,「深田詠美」曾經係超一線女優,拍片量同片酬都遠超同儕。事實上即使頗有名氣嘅女優,都唔見到能夠過非常富貴嘅生活。好似前SOD、現Kawaii*專屬女優「西元めいさ」,近來就於X(Twitter)公開全副身家,分分鐘比你依家身上嘅現金都仲要少。

 

話說上月30日時,「西元めいさ」自爆之前借咗50萬Yen畀一位於主題Cafe工作嘅「女裝男子」友人,但對方到期仍然冇還錢。「西元めいさ」更表示以佢所知,呢位友人除咗向佢之後,仲向其他人借咗錢,而且全部都冇還到,所以呼籲各位小心,唔好再上佢當。

而7月2日時「西元めいさ」就再次發文,貼出自己嘅銀行結餘,可見戶口入面只有38895Yen,即約HK$1900左右。佢留言到「這是現役AV女優嘅全副身家。真係低到不能再低」並強調自己並非沉迷牛郎店或者主題Cafe,亦即啲錢唔係佢揈走哂,係真係窮。

呢個帖文吸引到過百萬次觀看,當中唔少網民都留言表示對知名女優竟然如此拮据感到難以置信,但亦有表示對「西元めいさ」正直地講出真相而有好感。

2021年於SOD出道嘅「西元めいさ」,於加入AV界前曾經係地下女團成員,出道後亦一心繼續發展偶像事業,目前除咗拍片仲係「JUGS MAFIA」嘅成員之一。樂於透過社交網站更新近況及與網民互動嘅佢,X上亦有超過21萬追蹤。但即便佢有一定名氣,加上自2021年到目前都係專屬女優、穩定拍片,佢嘅收入就似乎都係捉襟見肘。或者會打破外界認為AV女優「除衫就可以賺大錢」嘅迷思。

一般黎講,我哋「深夜系列」係唔太會介紹啲真係啱啱進入寫真界嘅新人,因為佢哋作品非常有限根本就搵唔到咁多寫真靚相。不過今晚要介紹呢位「すずめ」就值得我為佢破例,除咗因為佢真係靚女之外,仲因為佢嘅出道寫真 ...
thezone
【深夜】出道寫真即成史上銷售冠軍 「すずめ」勢成寫真巨星?
29 Aug 2025
現在以「現役看護師みか」之名活躍於X及付費內容平台嘅前AV女優「堀內美香 (堀內美果子)」日前突傳死訊,一名自稱係佢老公嘅西裝男更於女方嘅X上展現出其骨灰盒及大頭相,搞到一眾Fans紛紛為其哀悼。點知時隔一日, ...
thezone
【日本】前AV女優自製假死新聞 一日後「翻生」只為宣傳付費內容?
29 Aug 2025