媒體用「童顏巨乳」黎形容一個個樣生得年輕、但又身材好好嘅女仔，相信大家都見怪不怪，甚至覺得有啲老土兼露骨。咁你話有冇辦法「高雅啲」咁形容同一件事呢？答案係有嘅！事關日本媒體面對寫真界新人「木村夢叶」時，就用上「從嬌小身軀上長出的豐滿上圍，二者達成奇蹟的平衡」黎形容——咪就係講緊同一回事咋嘛！

今個星期四（3月6日）即將滿19歲嘅「木村夢叶」出身於日本北海道，其演藝經歷最早始於用藝名「YUME」（即係「夢」），於2021年3月加入偶像女團「シンデレラ宣言!」（灰姑娘宣言）。但到2023年6月時，佢就同另一個成員「HARU」一齊宣佈退團，開始單飛。去年10月時佢參加日本寫真活動「Muse撮影会」，以稚嫩嘅外表，加上148cm身高嘅「廟細燈籠大」身材亮相而一舉成名。

自此之後佢就掌握「流量密碼」，頻頻於X上發佈自己嘅泳衣寫真，令其人氣衝上高峰。今年一月時更以新名「木村夢叶」進軍著名日本青少年雜誌《週刊Playboy》，推出首本電子寫真，往後亦似乎會於寫真界繼續發展。相信未來仲會有更多靚相畀大家欣賞呀！

IG：yuyuyucyan__