記性好嘅讀者，應該會記得早年我曾經為大家介紹過呢位「高梨瑞樹」。當年仲係「廿頭」嘅佢啱啱寫真出道，並憑住於YouTube自拍「裸體圍裙煮飯」等走紅。轉眼間六、七年過去，「高梨瑞樹」亦已經步入「廿尾」，不過佢嘅作風就同以前一樣咁大膽——唔淨係講緊佢啲寫真呀，仲有佢嘅感情生活呀！

年尾啱啱滿28歲嘅「高梨瑞樹」，自2018年出道起，就以可愛虎牙加大膽寫真而聞名。早年佢為咗衝人氣，更於YouTube大拍「裸體圍裙煮飯」片，成為一時熱話。後來雖然佢收起哂啲舊片（依家可以做YouTube會員睇翻），但就改拍男性搞笑藝人專用嘅「裸藝」(即係全身赤裸用個鐵盤遮住下體做出各種高難度動作嘅表演) 片，同樣令大家睇到眼都唔眨，仲曾經被YouTube Ban台！

近年佢雖然主力出席綜藝節目，但依然無放低寫真本業，而且隨住年齡增長，展現出黎嘅魅惑氣息越黎越濃，將F Cup身材用各種姿勢「倒」畀你睇，寫真尺度依然大膽。

Btw，「東ブクロ」係咁嘅樣嘅

而「高梨瑞樹」嘅大膽，並不單單體現於寫真尺度之上。話說佢近年最被廣泛報導嘅新聞，就係佢於節目中公開向日本漫材組合「さらば青春の光」嘅40歲成員「東ブクロ」公開示愛。而且佢唔係為咗節目效果，而係多次強調自己對男方係真心真意，更不停公開要求其他藝人幫手介紹。當被問到「究竟見到男方想做啲咩」時，「高梨瑞樹」更係直言「只係想被擁抱」。能夠獲得一個寫真女星咁大膽、咁純情地示愛，唔知大家係咪都好羨慕「東ブクロ」呢？

IG：tkns_mzk