我哋都知道，每一張靚靚IG相背後都有個默默付出嘅男友，幫女朋友就光線、就角度、就鏡頭，去影19幾張相，再從中揀出面最瘦、眼最大、腿最長、腰最幼嘅一張相Post IG。為咗滿足女朋友嘅一己私欲，男朋友不惜好似練瑜伽咁，又瞓地又拗腰，目的就係幫女朋友影張靚靚IG相，如果唔係好大機會「又」因為自己幫女友影相影得衰而畀人小。

但當你以為你已經夠用心去幫女友影相時，可以話你聽，你去得未夠盡！真正嘅完美IG相後嘅完美男友，係要好似以下呢位男友咁，用生命去影相！