愛一個人嘅時候，難免會變得愈來愈自私，想將對方完完全全咁據為己有，時時刻刻都陪住自己，但呢份咁沉重嘅「愛」，真係出於「真愛」？定抑或係單純為自己而想「控制」對方呢？外國網站《lifehack》就曾經Post過一系列插圖，去解釋何謂「真愛」，又何謂「控制」。

「真愛伴侶」會感激你所做嘅一切；「控制狂」會成日挑剔你嘅錯失

「真愛伴侶」會令你覺得自己好好；「控制狂」會令你覺得好有罪惡感

「真愛伴侶」會問你想要咩，然後大家搵出平衡；「控制狂」會期望你跟隨佢嘅喜好同習慣

「真愛伴侶」會鼓勵你去做自己鍾意嘅事；「控制狂」會阻止你去做對大家都冇著數嘅事

「真愛伴侶」會在乎你嘅感受；「控制狂」只在乎自己，唔會理對方感受

「真愛伴侶」會陪你一齊解決問題；「控制狂」會指責你嘅過錯

「真愛伴侶」會好誠實；「控制狂」隱藏自己真實情感

「真愛伴侶」會明白私人空間嘅重要性；「控制狂」會要你隨時都將注意力放喺佢身上