{ SKIP }
文:MenClub Mean娜  圖:互聯網
POSTED ON 30 Oct 2017
Halloween個個都攞正牌扮鬼扮馬周圍威,就連小朋友都唔例外!不過以小朋友嚟講,扮惡鬼喪屍乜乜乜呢啲「兒童不宜」嘅角色可能太血腥,都係扮返公主呀、小動物呀呢啲合家歡嘢氹吓小朋友開心算啦~但係台灣就有個叫「萌萌」嘅細路女相當有性格,佢嘅內在絕對唔似得佢個名咁QQ,人仔細細嘅佢一係就唔扮,一扮就要扮最暗黑嘅角色~例如《千與千尋》嘅無臉男同埋《死亡筆記》嘅死神流克,就啱晒佢心水!

其實萌萌喺上年Halloween扮《千與千尋》嘅無臉男時已經爆紅,唔少網路平台都可以見到佢可愛嘅無臉男扮相。當時唔少人都以為係佢媽媽自己揸主意,幫佢化成無臉男,但原來大家都誤會咗,真正想扮無臉男嘅竟然係萌萌本人,真係估呢個細路女唔到!

而今年Halloween,大家都熱切關注萌萌會扮咩角色,而佢再一次冇令大家失望!今年佢夾埋細妹「咩咩」一齊扮演《死亡筆記》嘅死神流克同埋L,可愛度有100粒星星呀!

原來今年萌萌之所以會想扮死神流克,係因為睇咗死神流克版本嘅《PPAP》,對呢個角色相當感興趣,於是就叫佢媽媽喺Halloween時將佢扮成流克咁樣,連佢媽媽都忍唔住同萌萌再三確認︰「死神好恐怖架喎!你真係要扮佢?!」點知萌萌堅真心咁笑住答︰「嗯!要好恐怖!」真係一個超玩得嘅細路女!

結衣BB都有講過︰「可愛是最強的形容詞」、「在可愛面前無條件投降」,萌萌同細妹扮嘅流克同L實在太可愛,唔單只令到台灣嘅網民投晒降,仲過埋大海擊倒埋日本網民!一齊睇更多佢哋可愛嘅Halloween扮相啦!
由中國Cosplayer「千夜未來」所演譯嘅「庫巴公主」性感又可愛,難怪日本網民見到會咁歡喜!
gags
終於來了!可愛又性感的「庫巴公主」cosplay!
08 Oct 2018
「小白」X「不理不理左衛門」公仔喺9月10日已經喺日本各大夾公仔店上架,鍾意佢嘅就努力夾佢返黎喇!
gags
日本夾公仔機新品!「小白」X「不理不理左衛門」公仔
28 Sep 2018