{ SKIP }
文:MenClub Mean娜  圖:互聯網
POSTED ON 02 Nov 2017
胸圍對男士而言總係又美麗又神秘,彷彿哄埋去胸圍度大大力一索,就可以聞到陣陣乳香(但事實上更大機會只聞到汗臭味),假如可以笠住個胸圍瞓覺,帶著乳香入睡,一定可以發個甜美嘅春夢,呢個仲唔係男士嘅夢(妄)想之一?!不過,如果真係將個胸圍當眼罩咁戴住嚟瞓,又似乎太過變態,嗱嗱嗱!如果係胸圍造型嘅眼罩呢,又唔同講法喇,話晒佢本體都真係一個眼罩丫嘛!成日出品有趣雜貨嘅VILLAGE VANGUARD最近就新推出「胸圍眼罩(ブラジャーアイマスク)」,滿足男人想笠住個Bra瞓覺嘅慾望!

唔好以為呢個「胸圍眼罩」得個樣,佢真心注重眼罩功能,除咗質地要柔軟貼服,唔會戴住唔舒服之外,佢仲加入番梘香味,令人聯想起啱啱沖完涼準備上床……瞓覺嘅Moment,即刻有種放鬆嘅感覺,令巴打們瞓得更加好。

目前呢款「胸圍眼罩」一共有3個顏色選擇,分別係白色、藍綠色同埋桃粉紅色,售價係每件1944日圓(含稅),11月3日開始就正式發售。

如果你都想光明正大地做個變態,呢個「胸圍眼罩」真係啱晒你呀!
由中國Cosplayer「千夜未來」所演譯嘅「庫巴公主」性感又可愛,難怪日本網民見到會咁歡喜!
gags
終於來了!可愛又性感的「庫巴公主」cosplay!
08 Oct 2018
「小白」X「不理不理左衛門」公仔喺9月10日已經喺日本各大夾公仔店上架,鍾意佢嘅就努力夾佢返黎喇!
gags
日本夾公仔機新品!「小白」X「不理不理左衛門」公仔
28 Sep 2018