{ SKIP }
文:MenClub 魏文青  
POSTED ON 12 Apr 2018
作為一個男人,如果一朝早起身發現有個女人Send訊息同你講佢有咗,而且肯定個爸爸就係你,那怕你人生唯一性伴侶就係左手你都會忍唔住怯一怯。不過如果你係一個女仔,咁你嘅反應可能就會好唔同啦!例如英國有位名為「Sophie Watch」嘅女生就遇到如此奇妙嘅事,最後將對話放上Twitter,成為一時熱話。
卻說某一朝早Sophie收到一位自稱為「Abbie」嘅女仔嘅訊息,話自己有咗,而最近幾個月淨係同「你」上過床,所以BB嘅經手人一定係,「你」,希望「你」能夠同佢好好傾下。作為一個對於人類繁殖有些少認知嘅正常人,Sophie當下就知呢位Abbie應該係Send錯訊息,於是就禮貌地同對方澄清。點知Abbie立時無名火起,大罵「Aidan」永_遠都只係識逃避責任,仲話今次係好認真。
Sophie於是繼續禮貌地澄清自己係個女仔,但Abbie顯然唔信,於是Sophie就決定自拍一張相去試圖說服Abbie。點知Abbie一見到Sophie嘅自拍照,就誤以為佢係「Aidan」嘅女友,仲嘲諷佢個「賤男友」偷食。最後就算Sophie再強調自己係女仔,唔係Aidan,Abbie都唔相信。
其後Sophie將整段對話截圖放咗上Twitter,戲劇性嘅發展吸引好多人轉發,大量「Aidan」被朋友Tag入帖子,又有唔少「Aidan」主動澄清自己冇搞大Abbie個肚,反正就成為一時網絡熱話。講起又講,最後Sophie都係唔知Abbie搵唔搵到正確嘅Aidan出黎。
sophiewatch97 on Twitter
由中國Cosplayer「千夜未來」所演譯嘅「庫巴公主」性感又可愛,難怪日本網民見到會咁歡喜!
gags
終於來了!可愛又性感的「庫巴公主」cosplay!
08 Oct 2018
「小白」X「不理不理左衛門」公仔喺9月10日已經喺日本各大夾公仔店上架,鍾意佢嘅就努力夾佢返黎喇!
gags
日本夾公仔機新品!「小白」X「不理不理左衛門」公仔
28 Sep 2018