{ SKIP }
文:米  圖:互聯網
POSTED ON 04 May 2018

新垣結衣同星野源拍嘅《逃避雖可恥但有用》睇得大家鬼咁開心,捧紅咗星野源之外仲令結衣bb事業更上一層樓,兼且Hit埋隻「戀舞」,見大家反應咁好,開續集《逃避雖可恥但有用2》都好應該丫,點知新垣結衣同星野源都不約而同拒絕接拍《逃恥2》,大好機會都say no?!原來係因為有人懷疑雙方之所以拒拍《逃恥2》,係為咗保護二人低調嘅戀情,更重要嘅係,仲傳出結衣bb會喺6月閃嫁星野源嘅消息!巴打們快啲準備武器啦!


其實TBS電視台本身已經籌備拍攝《逃恥2》,點知突然傳出要停拍嘅消息。根據《日刊cyzo》猜測,新垣結衣同星野源拒絕接拍《逃恥2》嘅原因好大機會係因為佢哋正在熱戀想低調保護戀情!點解會有咁嘅推斷呢?早喺演完《逃避雖可恥但有用》之後,已經有傳出佢哋日久生情嘅消息,加上二人出席節目時都非常曖昧,星野源介紹結衣出場時,仲直接叫過結衣bb做「我太太」!而上個月星野源仲靜靜雞搬家到結衣bb屋企附近做鄰居,令成件事更加可疑!



至於點解會講到閃婚,係因為結衣bb曾公開表示想喺30歲前結婚,而下個月11號就係佢30歲生日,如果佢哋真係熱戀緊,咁喺結衣bb生日之時,就係佢哋閃婚之日嘅機會似乎相當大!

由中國Cosplayer「千夜未來」所演譯嘅「庫巴公主」性感又可愛,難怪日本網民見到會咁歡喜!
gags
終於來了!可愛又性感的「庫巴公主」cosplay!
08 Oct 2018
「小白」X「不理不理左衛門」公仔喺9月10日已經喺日本各大夾公仔店上架,鍾意佢嘅就努力夾佢返黎喇!
gags
日本夾公仔機新品!「小白」X「不理不理左衛門」公仔
28 Sep 2018